定期覆診
每一位病人的臨床表現和所接受的治療都有所不同，醫生會與病人商討，並按個別需要與情況，制定跟進治療與覆診的安排，以監察病情及復發徵狀。病人在康復期間必須堅持定期覆診和檢查，因為即使癌症不幸復發，也能偵測和及時發現並予以診治，亦可以治理其他因治療而引起的併發症，加速康復。期間病人若發現有任何新的症狀，必須儘快通知醫生。
溝通是雙向的，醫護人員要學習與病人溝通的技巧，病人亦需要學習。病人和醫護人員交談時，應抱著冷靜、坦誠和合作的態度，提出合理的要求，避免用質問的字眼和對抗的態度；顧及自己的需要，亦多些體諒對方的感受和處境。
-
掌握及記錄身體狀況，例如：
- 發病的時間、地點。
- 發病的徵狀（例如體溫、體重、大小便的顏色/質量、痛楚、胃口、精神體力、肌肉麻痺等）。
- 病徵位置、頻密程度及先決因素。
- 過往患的疾病和曾接受的治療。
- 藥物敏感或敏感症。
- 家族患病的歷史。
-
搜集足夠和正確的資料，以便詢問醫生的意見或共商診治的方法：
- 參考醫學資料或單張。相關資料可於醫院病人資源中心找到。
- 與曾經患有相同疾病的人分享。
- 不要輕信未經證實的資料。
- 依時覆診及接受治療，如不能依期赴診，應儘早通知有關醫院/診所。
- 須帶備現時所服藥物、覆診咭、預約檢查紙、私家檢驗報告、X光片或醫療報告等。
-
為了把握時間和避免遺漏，可預先寫下要問醫護人員的問題。以下是一些口語化的問題例子：
-
新症病人通常問：
- 我患嘅係咩嘢病？有咩嘢治療方法可以選擇？
- 呢種治療方法有啲咩副作用同後遺症？對我身體有咩影響？
- 治療嘅效果點樣？復原機會有幾大？
- 呢種治療方法對我身體有咩影響？仲有咩其他方面既影響？
- 試過呢種治療嘅病人康復情況又係點呀？
- 我個病要醫幾耐？我返唔返得工？幾時返得工？
- 如果個病忽然間有轉變，我可以點做？
-
覆診病人可提問：
- 我個病進展成點？病情係咪已經控制到？點樣可以減輕後遺症嘅影響？仲會有咩後遺症？
- 我依家食嘅藥有無副作用？點食先至正確？長期食有無問題？
- 我點樣知道病情有轉變，例如復發或併發症嘅徵狀？
- 我呢啲後遺症/治療後嘅反應係咪正常？
- 最近我有唔舒服嘅徵狀，唔知同我個病有冇關係？我應該點樣處理呀？
-
疾病有變化或復發時可提問：
- 邊處部位有變化或翻發呢？
- 之後仲會出現咩症狀？功能影響如何？呢啲症狀係暫時性定係長期性？可以醫好嗎？
- 若有可能治癒，有咩治療方法？康復機會如何？
- 若無可能治癒，還有咩治療可做？有無比較有希望嘅治療？
- 有咩緩和症狀（如痛楚）嘅治療方法呀？
- 醫生，你覺得我嘅情況接受邊樣治療比較好呢？會點做治療？效果同副作用係點？要做咩準備呢？
這些問題的例子只供參考，病人應按自己的病情和希望知道的資料作出選擇和修改。
- 依時按份量服用藥物，記錄服藥後的效應、效應持續的時間和程度或副作用等，並於覆診時出示藥物及有關紀錄。
- 服藥/接受治療後感到不適，須告知醫護人員。
- 與家人詳細討論自己的病情，從而獲得適當的關懷和照顧。
- 清楚表達診症目的，盡量了解治療和檢查細節。
- 講述徵狀，避免自行斷症。
- 有問題時不要擔心，盡量發問。不了解答案時，可再問一次。
- 沒有必要一次全部了解清楚，可分幾次詢問。
- 如有需要，可以找親友陪同覆診，由別人代問。
- 留意對方和自己的情緒，保持客觀，表達自己的需要和意願。